පාර්ලිමේන්තු ;) මැතිවරණය 2015. ඇතුගල්පුර.
ඇතුගල්පුරට විජයග්රහණය කළ බජිරියාණන් හට සුභ පැතුම්!
පරදේසක්කාර එදිරිවාදියා පරදා අද දින බජිරියාණන් ලද ජයග්රහණයෙන් සුව දහසක් වූ හුදී ජනයාගේ සිත් සතන් පහන් විය. සිය අඳුරු කුටියේ හුදෙකලා වූ මොහොතේ කිසිවකු විසින් දල්වන ලද පහණින් ලද පන්නරයෙන් රට වෙනුවෙන් පෙනී සිටීමට තිබූ විළි-බිය දුරු වී තව තවත් එඩිතර වූ බජිරියාණන්, සිය රශ්මි ධාරාවේ ප්රභාෂ්වරයෙන් මුලු මහත් ඇත්ගල්පුරයම ඒකාලෝක කොට ඇත... පෙර දිනකදී තම අතට තම හිස වුවද, අද ඔහු තනි නැත... සිවු දෙසින් පැමිණෙන ප්රගතිශීලී සහ ත්යාගශීලී බලවේග සිය දෑත් ශක්තිමත් කිරීමට සැදී පැහැදී සිටී.. මෙසේ දෑතේ ශක්තියෙන් Neil Armstrong පරයන මට්ටමට ආ බජිරියාණන් හට සඳු දියණිය පවා උපහාර දැක්වූවාය... ඉදිරි විජයග්රහණයේ නිමිත්තක් වශයෙන් පසුගිය පුන් පොහෝ දින අහස් කුස දෙස නෙත් යොමු කළ විට සාවෙකු නොව බජිරියාණන් දිස් වූයේ එබැවිනි!..
මැතිවරණ දින උදෑසන දොරින් අඩක් ඇරි විට සිසිල් සුළං ආයේ "ආයුබෝ වේවා!.. බජිරියාණනි!.." කියන්නාක් මෙනි!.. ප්රතිඵල නිකුත් වීමත් සමඟම මහපොළව කම්පා වූ අතර පොද වැස්සකින් අහස් තලය ද ප්රතිචාර දැක්වීය....
ජයග්රහණයෙන් පසු ජාතිය ඇමතූ බජිරියාණන් පවසා සිටියේ, රටට මෙන්ම ඇතුගල්පුරටද අවනම්බුවක් වන ලෙස පිටරටින් ආනයනය කරන CH3CH2OH වෙනුවට වෙනත් දේශීය CH3–CH2–OH විකල්ප ලබා දෙන බවයි. ඇතුගල්පුර සම්බන්ධ රථ වාහන ආශ්රිත ගිවිසුම් වළින් නොනැවතී තව දුරටත් ඉදිරියට යා යුතු බව පැවසූ හෙතෙම, සහළින් සශ්රීක ඇතුගල්පුරයේ සහල් ආශ්රිත බීම වර්ග නිපදවීමේ කර්මාන්ත ශාලාවක් ඉදිකිරීම සඳහා ජපන් සමාගමක් සමඟ සාකච්ඡා පටන් ගන්නා බවද පැවසීය. (මෙම පුවත සැළ වූ විපක්ෂයේ එදිරිවාදියකු තම ව්යාපාර බංකොළොත් වේ යැයි බියෙන් තම පක්ෂය මාරු කිරීමට සැලසුම් කරන බව තතු දත් ආරංචි මාර්ග පවසයි)... කෙසේ වෙතත් සුළු පරිමාණ රා මදින්නන් මේ පිළිබඳ බිය නොවිය යුතු බව පැවසූ බජිරියාණන් ඔවුනට කාර්යක්ෂමව රා මැදීම සඳහා කුඩා හෙලිකොප්ටර බෙදා දෙන බවට පොරොන්දු විය. එමෙන්ම තම පක්ෂ ලකුණ ප්රචලිත කිරීමේ අදියරක් වශයෙන්, ඇතුගල්පුර සහ යාබද දිස්ත්රික්ක වල පිළිකා කාරක දුංකොළ වගාව වෙනුවට, පිළිකා නාශක ඖෂධ වගාවක් හඳුන්වා දෙන බවත්, ඊට තම කණ්ඩායමේ ප්රබල සාමාජිකයෙකු වන
෴
